Ishchi guruh o'z faoliyatini Uchqo'rg'on tumanida davom ettirmoqda

Jumladan, tumandagi Bolalar-o'smirlar sport maktabining moddiy-texnika bazasi, axborot-kommunikaciyalari texnologiyalarini joriy etish holati o'rganilmoqda. Bu borada ayni damdagi holatni yanada yaxshilash borasida vazirlik tomonidan sport tashkilotlariga ko'mak ko'rsatilayapti.

Malumot uchun, tumanda 167 ming aholi istiqomat qilayotgan bo'lib, ularning 32 mingdan ziyodrog'i doimiy ravishda sport bilan qamrab olingan.

Uchqo'rg'on tumani erkin kurash, gandbol, chim ustida hokkey sport turlariga ixtisoslashtirilgan bo'lib, hududda 1008 nafar sportchi yoshlar shug'ullanayotgan Bolalar-o'smirlar sport maktabi faoliyat ko'rsatmoqda.

BO'SMda 10 ta sport turi bo'yicha 38 nafar trenerlar yoshlar bilan mashg'ulotlar olib bormoqda. Erkin kurash bo'yicha BO'SM tarbiyalanuvchilari Osiyo va jahon chempionatlarida, shuningdek, xalqaro musobaqalarda sovrindorlar safidan joy olishgan.