Islam Maxachev Belal Muhammad bilan birga mashg'ulot o'tkazyapti + FOTO

Rossiyalik chempionning mashg'ulotida yarimo'rta vazn toifasidagi taniqli aralash yakkakurash ustasi Belal Muhammad ham ishtirok etyapti. U Islamga amerikalik Dastin Porega qarshi o'tkaziladigan jangga tayyorgarlikda yordam bermoqda. Ushbu jang 1 iyun kuni AQSHning Nyuark shahrida tashkil etiladigan UFC 302 turnirining markaziy to'qnashuvi bo'ladi. 

Malumot uchun, 32 yoshli Islam Maxachev UFC promoushenida 2015 yilda debyut qilgan. 2022 yilning oktyabr oyida esa chempionlik kamarini qo'lga kiritdi. O'shanda u Abu-Dabi shahrida o'tkazilgan turnirda braziliyalik CHarlz Oliveyrani ikkinchi raundda mag'lub etib, kamarga ega chiqqandi. SHundan keyin u ikki marotaba chempionlik kamarini himoya qildi. Har ikkala jang avstraliyalik Aleks Volkanovskiga qarshi bo'lib o'tgandi.

Amerikalik 35 yoshli Dastin Pore esa UFC ligasida 2011 yildan beri o'z janglarini o'tkazib kelmoqda. U faoliyati davomida ikki bor chempionlik jangida ishtirok etgan. 2019 yilning sentyabr oyida u UFC 242 turnirida Xabib Nurmagomedovga, 2021 yilning dekabrida esa UFC 269 turnirida CHarlz Oliveyraga yutqazib qo'ygandi.