Islam Maxachev faoliyatidagi eng sevimli jangini aytdi

Islam Maxachevning Dastin Pore bilan jangi rossiyalikning professional faoliyatidagi eng sevimli jangi hisoblanadi. O'sha jangning beshinchi raundida Maxachev Dastinni bo'g'ish usulida engib, engil vazn toifasidagi UFC chempionlik kamarini uchinchi marta muvaffaqiyatli himoya qilgandi. 

"Albatta, birinchi chempionlik jangidan keyin katta his-tuyg'ular paydo bo'ldi, ammo men qayta ko'rib chiqqan jang - bu Pore bilan bo'lgan to'qnashuv edi. Biz u erda ko'chadagi kabi mushtlashdik va men uni finish qilishga muvaffaq bo'ldim. Men bu jangdan rohatlandim. Bu nimani anglatadi? Bu har qanday jangda oxirigacha borishimdan dalolat beradi. CHiroqlar o'chib qolmaguncha, men jang qilaman, oldinga intilaman, lekin sinmayman", - dedi Maxachev Red Corner MMA nashriga bergan intervyusida.

Islam Dastin Poredan keyin braziliyalik Renato Moykanoni ham taslim etdi va shundan so'ng engil vazn toifasidagi kamarini vakant qoldirdi. Yarim o'rta vazn toifasiga ko'chib o'tgan Maxachev avstraliyalik Jek Della Maddalenani hakamlarning yakdil qarori bilan mag'lub etib, chempion bo'ldi.

Endi u ushbu chempionlik kamarining ilk himoyasini 15 avgust kuni Filadelfiyada bo'lib o'tadigan UFC 330 turnirida vazn reytingida birinchi o'rinni egallab turgan irlandiyalik Yen Machado Gerriga qarshi o'tkazadi.