31 may 12:06
Yangiliklar

Boks/MMA

Islam Maxachev Konor Makgregorga "otvet" qildi

Engil vaznda amaldagi UFC chempioni Islam Maxachev muxlislarning savollariga javob berar ekan, Konor Makgregorni ham esdan chiqarmadi.

Avvalroq, Konor Islam Maxachev - Dastin Pore jangiga munosabat bildirar ekan, unda amerikalik aralash yakkakurash ustasi nokaut evaziga g'alaba qozonishini aytgandi.

"Dastin qarib qolgan Konorning jag'ini poylay olgandi. Men Porega bu imkoniyatni bermayman", - dedi rossiyalik chempion MMAJunkie saytiga bergan intervyusida.

SHuningdek, Maxachev bir oydan so'ng o'tkaziladigan Konor Makgregor - Maykl CHendler jangiga ham o'z fikrini bildirdi.

"Kim g'alaba qozonishini bilmayman. Lekin mashg'ulotlarga yondashuvdan kelib chiqsak, CHendlerning imkoniyati yuqoriroq va uning g'alabasini kutsak bo'ladi. Konor esa vaqtini tungi klublardagi mashg'ulot lagerida o'tkazyapti".

Eslatib o'tamiz, Makgregor - CHendler jangi 29 iyun kuni AQSHning Las-Vegas shahrida tashkil etiladigan UFC 303 turnirining markaziy jangi bo'ladi.