28 avg 12:21
Yangiliklar

Boks/MMA

Islam Maxachev mashg'ulotlarga qaytdi + FOTO

Engil (70 kg.gacha) vaznda amaldagi UFC chempioni Islam Maxachev mashg'ulotlarni boshlab yubordi.

Rossiyalik aralash yakkakurash ustasi jarohati sabab so'nggi jangidan keyin tanaffus olgandi. 32 yoshli Maxachev katta ehtimol bilan dekabr oyida kamar himoyasi uchun oktagonga chiqadi.

Islam 2015 yilning 23 may kuni UFC promoushenida debyut qilgandi. O'shanda u UFC 187 turnirida Leo Kuncni bo'g'ish usuli bilan mag'lubiyatga uchratgan edi. So'nggi jangini shu yilning 2 iyun tonggida UFC 302 turniri doirasida amerikalik sobiq vaqtinchalik chempion Dastin Porega qarshi o'tkazib, raqibini beshinchi raundda bo'g'ib qo'ygandi. Bu Islam uchun uchinchi chempionlik himoya jangi bo'lgan edi.