27 okt 12:12
Yangiliklar

Boks/MMA

Islam Maxachev Topuriya va Xolloueyga murojaat qildi

Engil vaznda amaldagi UFC chempioni Islam Maxachev yarimengil vazn chempioni Iliya Topuriya hamda BMF kamari sohibi Maks Xolloueyga xitob qildi.

"Tabriklayman, chempion. Bu ajoyib g'alaba bo'ldi. Maks, sen esa boshingni tik tut. Sen afsonasan!", — deya o'zining ijtimoiy tarmoqdagi sahifasida xabar qoldirgan Maxachev.

Kecha BAA poytaxti Abu-Dabi shahrida o'tgan UFC 308 turnirining markaziy jangida asli kelib chiqishi gruziyalik bo'lgan va hozirda Ispaniya sharafini himoya qilayotgan Iliya Topuriya uchinchi raundda amerikalik Maks Xolloueyni nokautga uchratgan edi.

SHu tariqa, Iliya ilk chempionik himoya jangini muvaffaqiyatli o'tkazib oldi. Bu uning ketma-ket qo'lga kiritgan 16-g'alabasi bo'ldi. Xollouey esa aksincha, faoliyatida ilk bor nokaut bilan yutqazdi.