Islam Maxachev: "UFC`dan qo'ng'iroq kutyapman"

Islam Maxachev o'z so'zida oktagonga joriy yil oxiri yoki kelasi yil boshida qaytish niyatida ekanligini tasdiqladi va bo'lajak raqiblari nomini aytdi.

"Jangdan so'ng men uchta MRT tekshiruvidan o'tdim va umurtqa pog'onamni to'liq tekshirtirdim. Bir nechta kichik muammolar bor, shuning uchun hozir ular bilan shug'ullanyapman. Jiddiy narsa emas, shunchaki belimni mustahkamlayapman.

UFC`dan qo'ng'iroq kutamiz. O'ylaymanki, Ramazongacha jang o'tkazish eng maqbul variant. Ramazon fevral oyida boshlanadi, shuning uchun unga qadar jang qilib olish ideal bo'lardi", — dedi rossiyalik jangchi "Match TV"ga bergan intervyusida.

Maxachevning so'zlariga ko'ra, raqib masalasi hali uzil-kesil hal qilinmagan, biroq chempionlik kamari uchun ikki aniq davogar bor.

"Ushbu vazn toifasida meni har kuni mashg'ulot qilishga undaydigan haqiqiy davogarlar bor. Menda kamida ikki juda yaxshi raqib bor: Karlos Prates va Maykl Morales. SHuning uchun bo'shashishga vaqt yo'q", — deya qo'shimcha qildi UFC`ning eng yaxshi jangchisi.