Isroil Madrimov Jahon chempionatida ishtirok etadimi? Cavolga bokschimizning o'zi javob berdi

Boks bo'yicha terma jamoamiz Tokio Olimpiadasida qayd etgan natijadan so'ng federaciya raisining birinchi o'rinbosari Saken Polatov terma jamoa eshiklari barcha bokschilar uchun ochiqlgi haqida gapirgan va buning natijasida Rustam To'laganov terma jamoa mashg'ulotiga chaqirilgandi. Ayni shu vaqt oralig'ida prof boksda kamar uchun jang qilishi kutilayotgan Isroil Madrimov O'zbekistonga qaytib keldi. 

Tabiiyki, muxlislar orasida Madrimov jahon chempionatida ishtirok etishi haqida fikrlar «bolaladi». Muxbirimiz Sarvinoz Raxmonqulova Isroil Madrimov bilan bog'lanib, muxlislarni qiynayotgan savolga javob oldi.

«Jahon chempionatiga bormayman. Mishel Soro bilan jangim tasdiqlandi. Jang sanasi 20 sentyabrdan keyin aniq bo'ladi. Tez orada tayyorgarlikni boshlaymiz, mashg'ulotlarning ham O'zbekistonda, ham AQSHda o'tkazilishi kutilyapti», - dedi Madrimov.

Eslatib o'tamiz, WBA tashkiloti Madrimov hamda Soro o'rtasida majburiy davogar maqomi uchun jang o'tkazilishini tasdiqlagan.