Isroil Madrimov venesuelalik raqibi haqida gapirdi

Birinchi o'rta vazn toifasida WBA Inter-Continental chempionlik kamari sohibi bo'lib turgan 24 yoshli hamyurtimiz AQSHning Frisko shahrida venesuelalik CHarli Navarroga qarshi ringga chiqadi. G'olib bokschi chempionlik kamari uchun jang o'tkazish huquqini qo'lga kiritadi.     

- 2020 yil hisobidan dastlabki jangim Friskodagi katta boks oqshomida o'tkazilayotganidan xursandman. Do'stim Murodjon Ahmadalievning Deniel Romanni mag'lub etib, ikki yo'nalishda jahon chempioni bo'lgani meni ham ruhlantirib yubordi. SHundan kelib chiqib shu yilning o'zida jahon chempioni bo'laman deb o'z oldimga maqsad qo'ydim. Navarro tajribali, haqiqiy kuchimni chamalab olish uchun munosib raqib. Bo'lajak jangda vazn chempionlarining kamarlari uchun munosib davogar ekanimni isbotlayman, - dedi Madrimov. 

Malumot uchun, Madrimov - Navarro boks kechasining markaziy jangi Mayki Garsiya va Jessi Vargas o'rtasida bo'lib o'tadi. Sobiq jahon chempionlari o'rtasidagi jang vakant bo'lib turgan WBC Diamond kamari uchun kechadi.