Isroil Madrimovni tabriklaymiz!

Isroil Xorazm viloyati Xiva shahrida tavallud topgan. 11 yoshidan boks bilan shug'ullana boshlagan Madrimov havaskor boksda Osiyo chempioni, Osiyo o'yinlari sovrindori, Xalqaro toifadagi sport ustasi kabi yutuqlarga erishgan. Faoliyatini professional boksda davom ettirayotgan qahramonimiz hozirgi kunda AQSHning Kaliforniya shtatida mashg'ulotlar olib bormoqda. WBA Intercontinental chempionlik kamari sohibi, prof ringda 4 ta jang o'tkazib barchasida nokaut evaziga g'alabaga erishgan Xiva o'g'loni 2019 yilda professional boksda "Yil kashfiyoti" nomzodlari qatorida borligining o'zi bokschimizning yorqin uslub egasi ekanligidan dalolatdir. Hamyurtimiz navbatdagi jangini 29 fevralda AQSHning Texas shtati Frisko shahridagi boks oqshomida venesuelalik CHarli Navarroga qarshi o'tkazishi kutilmoqda. 

WBA reytingining birinchi o'rta vazn (69,85 kg) toifasida 3-o'rinni egallab turgan Isroil Madrimovni tug'ilgan kuni bilan tabriklaymiz. OMAD, BAXT va ulkan ZAFARlar hamisha hamroh bo'lishiga tilakdoshmiz. U zabt etishi kerak bo'lgan marralar hali oldinda! Armoning yo'qligi armon bo'lib qolsin.

Hurmat bilan Olamsport.com sayti tahririyati va O'zJOKU talabasi Sarvinoz Raxmonqulova