Isroil Madrimovning jangi chempionlik uchun saralash vazifasini o'taydi + FOTO

Hamyurtimiz shu kuni venesuelalik CHarli Navarroga qarshi ringga ko'tariladi. Ayni paytda Intercontinental kamari sohibi bo'lib turgan Madrimov WBA reytingida 3-o'rinni band etgan. 

Etiborga molik jihati shundaki, Butunjahon boks associaciyasi (WBA) rahbariyati Isroil Madrimov ishtirokidagi jang g'olibi ushbu vaznda WBA chempioni Erislandi Laraning kamariga rasmiy davogarga aylanishini malum qildi. 

Demak, chempionlik jangi yaqin! Madrimov shu kungacha 4 ta jang o'tkazgan va ularning barchasida nokaut evaziga g'alaba qozongan. Navarro esa professional ringda 38 ta jang o'tkazib, 29 tasida g'alaba qozongan. Hisobida 22 ta nokautli g'alaba bor. To'qqizta jangda mag'lubiyat alamini totib ko'rgan (3 ta nokaut). 

Malumot uchun, Madrimov - Navarro jangi AQSHning Texas shtatidagi Frisko shahrida o'tkaziladi. Kechaning markaziy jangida esa Mayki Garsiya Jessi Vargasga qarshi ringga ko'tariladi.