26 noy 23:28
Yangiliklar

Og'ir atletika

Ivan Efrimovga London 2012 bronza medali beriladi

Kecha Xalqaro Olimpiya qo'mitasi ijroiya kengashining videoaloqa shaklida bo'lib o'tgan yig'ilishida London 2012 Olimpiyada o'yinlarida velosport va og'ir atletika sport turlaridagi natijalar qayta ko'rib chiqildi.

Biz uchun ahamiyatli jihati og'ir atletika bo'yicha 105 kg vazn toifasida Olimpiya chempioni Ivan Toroxtiy doping tufayli oltin medaldan mahrum qilingan. Oltin eronlik Navaf Nosirshalalga, kumush polyak Bartolomey Bonkga nasib etdi.

Bronza o'zbekistonlik Ruslan Nurutdinovga nasib qilishi mumkin edi, ammo u 2019 yil may oyida Londonda o'tkazgan natijalari bekor qilinib, diskvalifikaciya qilindi. Dastlabki natijalarga ko'ra beshinchi o'rinni qo'lga kiritgan yana bir yurtdoshimiz Ivan Efrimov bronza medali sohibiga aylandi.

Malumot uchun: Ivan Efrimov 1986 yil 9 mart kuni Toshkent shahrida tavallud topgan. Og'ir atletika bo'yicha AQSHning Xyuston (2015) va Anaxaym (2017) shaharlarida o'tkazilgan jahon chempionatlari sovrindori. Osiyo o'yinlari va Osiyo chempionati sovrindori.