Jahon chempionati. 1/4 finalga etib kelgan yagona vakilamiz ringga chiqdi

Ushbu musobaqada ilk marotaba O'zbekiston terma jamoasi to'liq tarkibda ishtirok etdi. Ulardan faqat bir nafarigina jahon chempionatining chorak finaliga qadar etib keldi. 

+81 kg vazn toifasida ringga ko'tarilgan Go'zal Ismatova ilk davrada vengriyalik Adrien Junashni ikkinchi raundda texnik nokautga uchratgandi, Afsuski, bugun murakkab kechgan chorak final jangida rossiyalik Kristina Tkachyovaga 2:3 hisobida imkoniyatni boy berib qo'ydi. 

Jazoir va argentinalik hakamlar bir xil 29:28 hisobida g'alabani Ismatovaga bergan. Xitoy (30:27), Misr (30:27) va irlandiyalik (29:28) hakamlar esa rossiyalik bokschining yarim finalga chiqishini xohlashgan. Agar hamyurtimiz yarim finalga yo'l olganida, kamida jahon chempionatining bronza medalini qo'lga kiritardi. 

Eslatib o'tamiz, Gulasal Sultonalieva (-48 kg) koreyalik CHo Rong Bakka 0:5, Maftunaxon Melieva (-69 kg) shotlandiyalik Megan Reydga 0:5, Ezozaxon Melieva (-75 kg) mozambiklik Adosinda Gramanga 2:3, Aziza Yoqubova (-51 kg) yaponiyalik Cukimi Namikiga 2:3, Tursunoy Rahimova (-54 kg) Modestin Munga Zaliyaga 0:5, Rio Olimpiadasi ishtirokchisi Yodgoroy Mirzaeva (-57 kg) ruminiyalik Lakramioara Perijokka 0:5, Rayhona Qodirov (-60 kg) bolgariyalik Denisa Yordanova Eliseevaga 2:3 hisobida mag'lub bo'ldi. 

Malumot uchun, ushbu jahon chempionatida hamyurtlarimizdan Aleksandr Hamidov hakamlik qilyapti. U shu kungacha yigirmadan ziyod janglarda hakamlik qilishga muvaffaq bo'ldi.