"Jahonobod"da belbog'li kurash bo'yicha ochiq turnir o'tkazildi

Odamlari soddadil, xushchaqchaq va mehnatkash, sog'lom turmush tarziga mustahkam amal qiladi, saranjom-sarishtalik. Qishloqda belbog'li kurashning chin ustalari, elkasi er ko'rmagan polvonlari juda ko'p. 

Kuni kecha Jahonobod qishlog'ida belbog'li kurash rivojiga katta hissa qo'shgan, bugun oramizda bo'lmagan ustoz polvonlar xotirasiga bag'ishlab Rishton tumani hokimi kubogi uchun respublika ochiq turniri tashkil etildi. Musobaqaning ochilish marosimida Rishton tumani hokimi Bahodirjon Xoliqov sportchilarga omad tiladi. 

Rishton tuman hokimligi, tuman prokuraturasi, Farg'ona viloyat sport boshqarmasi, viloyat belbog'li kurash federaciyasi hamda homiylar hamkorligida o'tgan Respublika ochiq turnirda yurtimiz polvonlaridan tashqari Tojikiston, Qirg'iz Respublikasidan nomdor polvonlar ishtirok etishdi.

SHu kuni ko'p sonli belbog'li kurash muxlislari polvonlarning o'zaro bellashuvlarini tomosha qilib ochig'i, yayradi. Faxriy polvonlarga hurmat va ehtirom ko'rsatilib, esdalik sovg'alari ulashildi. SHuningdek, tumanning faxriga aylangan alplar, polvon bobolar xotirlandi, ularning-da, pok ruhlari shod bo'ldi...

Jahonobod qishlog'ida yashab o'tgan va o'z vaqtida belbog'li kurash davralarining oldi bo'lgan engilmas, nomdor polvonlar Ahmadjon polvon Egamov, Abduqodir polvon Jumaboev, Azim polvon Qo'ldoshev, Orifjon polvon Sobirov, Beg'amjon polvon Ermatov, Abdulla polvon Mamayusupovlar nomi yodga olindi.  

Turnir tashkilotchilardan Zohidbek polvon Ismoilov boshchiligidagi Ruslan Xizirov, Bunyod To'xtaboev, SHuxratjon Obidojonov, Ulug'bek Mamatov, Farhod Mahmudov, Azizbek Ergashev, Oyatillo Hakimovlardan iborat hakamlar esa polvonlarning kurashini baholab borishdi.

Sayil kurashi tarzida o'tkazilgan bellashuvlarda muxlislar Zaylobiddin Ortiqov, Husniddin Ro'ziev, Azamjon Anvarjonov, Bobur To'xtasinov, Umidjon Xolmatov, Nodirbek Abdumalikov, Boburbek Abdumalikov kabi nomdor polvonlar ishtirokidagi bellashuvlarni hayajon va zo'r ishtiyoq bilan tomosha qilishdi. Bu polvonlarning o'zaro bellashuvlari ananaviy turnirga yanada joziba bag'ishladi. 

Yuqori saviyada tashkil etilgan turnirda polvonlarga qimmatbaho esdalik sovg'alari ulashildi. 

Ilhom RAHMONOV tayyorladi