Jalolovga raqib sifatida ko'rsatilgan Itauma shu yil oxirigacha kamar uchun jang qiladi

Hozircha Mozesning kim bilan jang qilishi malum emas. Biroq uning promouteri Frenk Uorren yilning oxirida mijozining asosiy yo'nalishlardan birida chempionlik kamari uchun jang qilishiga ishonchi komil.

"Agar Mozes 8 avgust kuni g'alaba qozonsa, yil oxirida jahon chempionligi uchun jang qiladi", - dedi Uorren BBC kanaliga bergan intervyusida. - Lourens Okoli doping bilan bog'liq muammoga duch kelgani sababli, Mozes WBC reytingida birinchi o'ringa ko'tarilishi aniq. WBA va WBO reytinglarida esa u hozirda birinchi o'rinda.

Promouter, shuningdek, Itauma yosh bo'lishiga qaramay, chempionlik uchun etilgan deb hisoblaydi. U bilan tanishgan kunimizdan boshlab, unda har doim bu po'lat ildiz mavjud edi, - dedi Uorren. — U o'smirlikdan to hozirgi kunigacha bo'lgan yo'lni bosib o'tdi, nafaqat jismonan, balki ruhan ham ulg'aydi. Hozir u hamma narsani o'ylab, fikrini aniq ifodalaydigan vazmin yigit. Agar u shunday davom etsa va biz undan kutayotgan natijalarga erishsa, Mozes nafaqat boks, balki butun Britaniya sportining ramziga aylanadi. U juda aqlli.

Avgust oyidagi jangga kelsak, tez kunda Itaumaning raqibi nomini aytamiz. Bizda bir nechta nomzodlar bor va bir necha hafta ichida qaror qabul qilamiz", - deb vada berdi Uorren.

Eslatib o'tamiz, dastlab Itauma 25 iyul kuni ringga chiqishi kerak edi, ammo shu kuni Entoni Joshuaning jang o'tkazishi malum bo'lgach, Queensberry Promotions u bilan raqobatlashishga urinmaslikka qaror qildi va o'zining boks oqshomini 8 avgustga ko'chirdi.