Jangsiz chorak finalga yo'l olgan Saidjamshid Jafarov endi rossiyalik bokschi bilan to'qnash keladi

Avvalroq xabar berganimizdek, -71 kg vazn toifasidagi hamyurtimiz Saidjamshid Jafarov bugun nimchorak final bahsida puerto-rikolik Gabriel Llanosga qarshi jang qilishi kerak edi, biroq Llanos nomalum sabablarga ko'ra ringga ko'tarilmadi va jang g'olibi deya Saidjamshid Jafarov elon qilindi.

SHu tariqa chorak finalga yo'l olgan hamyurtimiz endilikda rossiyalik Igor Sviridchenkov bilan to'qnash keladi. Sviridchenkov nimchorak final jangida turkmanistonlik Bayramdurdi Nurmuhammedovni hakamlarning yakdil qarori bilan mag'lubiyatga uchratgan edi.