Jastin Getji: "Qaytamanmi yoki yo'q, bilmayman"

"Bu yil ikki marta jang qildim. Tizzam qattiq lat egan, qo'lim bilan hamon normal zarba bera olmayapman, shuning uchun tiklanishim kerak. Bu yil boshqa jang qilmasligimni aniq bilaman.

SHuningdek, statistikaga ko'ra bunday bo'lmasligi kerak bo'lsa-da, hayotimdagi eng yaxshi jangimni o'tkazganimni ham bilaman. Mening oilam bor. Men har doim ota-onam, akalarim, singlim va murabbiylarimga ishonganman va vaqti kelganda ular bilan maslahatlashishim kerakligini aytganman.

Men ularga tayanaman va bu qarorni qabul qilishda menga yordam berishlariga ishonaman. O'ylaymanki, bu juda jiddiy tanlov. SHu bilan birga, o'zimga biznes sifatida qarashim va bunga mos ravishda yondashishim kerak deb hisoblayman. Oldinda meni turli suhbatlar kutib turibdi, kelgusi hayotim qanday bo'lishini tushunib olishim kerak. Hali hech narsani hal qilmadim. Qaytamanmi yoki yo'q, bilmayman", — dedi Jastin Demetrius Jonson bilan suhbatda.

Avvalroq, dunyoning eng kuchli ligasi rahbari Dana Uayt ikki vazn toifasida sobiq UFC chempioni Iliya Topuriyaning oktagonga qaytishga tayyorligini malum qilgandi. Dana "El Matador" iyun oyida undan chempionlik kamarini tortib olgan amerikalik jangchiga qarshi zudlik bilan revansh jangi o'tkazishi mumkinligini istisno etmagan edi.