Jeyk Pol: Sizning bobongizda Ali va Tayson bor edi, otangizda Meyvezer, bu avlodda men borman

«Men dunyoning eng buyuk bokschisi bo'lish uchun ketyapman. Menimcha, bu har kimga berilmaydigan maxsus yo'l. Bolalarning nazarida men Mayk Taysonga o'xshayman. Sizning bobongizda Muhammad Ali va Mayk Tayson, otangizda Floyd Meyvezer, bu avlodda esa Jeyk Pol bor. 

Agar odamlar eng yaxshi nokautlarni ko'rishni xohlasalar, shoular haqida gapirishni istasalar, men ularga shuni beraman. Men shou qo'ydim, men hamma narsani boshqalardan o'zgacha tarzda qilaman, menda maskot bor. 

O'ylaymanki, odamlar va bokschilar buni ko'p yillar davomida takrorlashga harakat qilishadi. Men hamma narsani o'zgacha taqdim etaman. Men nimani o'ylasam shuni aytaman. Men odamlarga yoqamanmi yoki yo'q, men uchun bu ahamiyatsiz”, - dedi Pol.

Jeyk Pol navbatdagi jangini 29 avgust kuni sobiq UFC chempioni Tayron Vudliga qarshi o'tkazadi.