Jeyk Pol UFC’ni ikkiyuzlamachilikda aybladi

Og'ir vazn toifasi WBA reytingida 14-o'rinni egallab turgan amerikalik Jeyk Pol UFC rahbariyatini Muhammad Ali qonunidagi o'zgarishlarni qo'llab-quvvatlagani uchun tanqid qilib, promoushenning o'zi "eng yaxshisiga qarshi eng yaxshisi" tamoyiliga rioya qilmayotganini aytdi.

"Muhammad Alining qonunini bekor qilishmoqchi, chunki ular boksga eng yaxshi jangchilarni berishmoqchi... Xo'sh, nega barcha muxlislar o'zlari elon qilgan yangi UFC janglaridan g'azablanishmoqda? Va albatta, Xarrison - Nunes jangi asosiy voqea bo'lishi kerak", - deb yozdi Pol X ijtimoiy tarmog'idagi sahifasida.

Uning tanqidiga UFC rahbariyati Muhammad Ali nomidagi boks islohoti to'g'risidagi qonunni o'zgartirishni ommaviy ravishda qo'llab-quvvatlagani sabab bo'ldi. Bu shartnomalarning shaffofligi, reytinglarni nazorat qilish va boksdagi moliyaviy malumotlarni oshkor qilishni talab etadigan federal qonun. Taklif etilayotgan tiklanish chora-tadbirlari yakkakurashlardagi tarkibiy o'zgarishlarga, jumladan, promoushenlarni birlashtirishga va normativ-huquqiy bazani o'zgartirishga qaratilgan.

Agar Muhammad Ali qonuniga kiritilgan tuzatishlar kuchga kirsa, bokschilar tartibga soluvchi organlar tomonidan kamroq himoyaga duch kelishlari mumkin. Bu esa to'lov shaffofligi va promouterlar nazorati bo'yicha havotirlarni keltirib chiqaradi. Tanqidchilar bu ko'plab muxlislar va sportchilarning fikriga ko'ra, jangchilar ko'pincha kam maosh oladigan MMA kabi muammolarga olib kelishi mumkinligidan havotirda.