Jeyk Pol Xabib Nurmagomedovga javob qaytardi

Jeyk Pol Xabib Nurmagomedovning Eagle FC ligasi amerikalik jangchiga MMA'da debyut qilish taklifi bilan shartnoma yuborgani haqida bayonotiga izoh berdi.

“Xabib "Biz unga shartnoma taklif qildik" dedi, bu yolg'on”, - deb aytdi Pol The MMA Hour dasturida. "Ular menga hech narsa taklif qilishmadi. Men Eagle FC turnirlarini umuman ko'rmaganman. Men ularning qilgan ishlaridan nafratlanishni istamayman, lekin MMA'da jang qilishim uchun ular menga boksda topganimdan ham ko'proq pul taklif qilishlari kerak. Men bilan muzokaralarni boshlash uchun ularga 25-35 million dollar kerak bo'ladi".

SHu bilan birga, Pol agar engil vazn toifasida sobiq UFC chempioni uning raqibiga aylansa, Rossiya ligasi taklifini ko'rib chiqishga tayyorligini aniq aytdi.

"Agar ular shunday taklif qilishsa, men Xabib bilan jang qilgan bo'lardim. Bu katta va qiziqarli to'qnashuv bo'lardi. Menga qiziq bo'lardi, ayniqsa tayyorgarlik ko'rish uchun vaqtim bo'lsa. Men qilishim kerak bo'lgan narsa kurash mahoratim ustida ishlash. CHunki tik turgan holatda Xabibni mag'lub etaman", - dedi Jeyk.