Jismoniy tarbiya va sport vazirligi kubogi sohiblari aniqlandi

Yangidan barpo etilayotgan ko'plab sport inshootlari zamonaviy jihozlar bilan taminlanmoqda. Viloyat yoshlari nufuzli sport musobaqalarida yurtimiz sharafini munosib himoya qilib, g'olib va sovrindorlar qatoridan joy olib kelishmoqda.

Muhtaram Prezidentimizning joriy yil 19 fevral kuni Sirdaryo viloyatiga qilgan tashrifi chog'ida bergan topshiriqlari barchamizni, ayniqsa, Sirdaryoliklarni yurt uchun fidoyi va masuliyatli bo'lib yashashga undadi.

Ayniqsa, viloyat yoshlarini jismoniy tarbiya va sportga jalb etish, mavjud sport inshootlari quvvatidan samarali foydalanish, chekka-chekka qishloqlar hududida ham zamonaviy sport majmualari barpo etishni tashabbuskor tadbirkorlar hamkorligida amalga oshirish bo'yicha Sirdaryo tajribasini qo'llab-quvvatlanayotgani barchani ruhlantirmoqda.

Joriy yilning mart oyida 14 yoshdan 30 yoshgacha bo'lgan bandligi taminlanmagan yoshlar o'rtasida “O'zbekiston Respublikasi jismoniy tarbiya va sport vazirligi kubogi” sport musobaqalari o'tkazildi.Voleybol, gandbol, mini-futbol, shaxmat, shashka, engil atletika, stol tennisi, badminton, suzish va velomarafon bo'yicha uchta yosh toifasi, yani 14-15, 16-17, 18-30 yoshlilar o'rtasida birinchi bosqich tuman (shahar)lar, ikkinchi bosqich tuman (shahar)larda g'olib bo'lgan yoshlar o'rtasida viloyat miqyosida ko'tarinki ruhda tashkil etildi. Musobaqaning tuman (shahar)lar bosqichida 11907 (3877 nafar qizlar) kishi ishtirok etdi. Viloyat bosqichida qatnashganlar soni 1917 (810 nafar qizlar) nafarni tashkil etdi. Yakunda uchta yosh toifasida umumjamoa hisobida o'rinlar aniqlandi.

 14-15 yosh, o'g'il bolalar:

1-o'rin - Guliston tumani

2-o'rin - Sayxunobod tumani

3-o'rin - Mirzaobod tumani

14-15 yosh, qiz bolalar:

1-o'rin - Sayxunobod tumani

2-o'rin - Guliston tumani

3-o'rin - Mirzaobod tumani

16-17 yosh, o'g'il bolalar:

1-o'rin - Sayxunobod tumani

2-o'rin - Mirzaobod tumani

3-o'rin - Guliston tumani

16-17 yosh, qiz bolalar:

1-o'rin - Guliston tumani

2-o'rin - Sayxunobod tumani

3-o'rin - Mirzaobod tumani

18-30 yosh, yigitlar:

1-o'rin - Sayxunobod tumani

2-o'rin - Guliston tumani

3-o'rin - Sirdaryo tumani

18-30 yosh, qizlar:

1-o'rin - Guliston tumani

2-o'rin - Mirzaobod tumani

3-o'rin - Sayxunobod tumani

“O'zbekiston Respublikasi jismoniy tarbiya va sport vazirligi kubogi” sport musobaqalarining taqdirlash marosimi joriy yilning 3 aprel kuni “Alpomish” sport majmuasida bo'lib o'tdi, taqdirlash marosimida Jismoniy tarbiya va sport vaziri o'rinbosari SH.Mo'minjonov, Sirdaryo viloyati jismoniy tarbiya va sport boshqarmasi boshlig'i I.O'roqov g'oliblarga kubok, diplom, medal va esdalik sovg'alarini topshirishdi.