Jizzaxda 5 ta muhim tashabbus bo'yicha musobaqalar o'tkazildi

Prezidentimiz tomonidan ilgari surilayotgan 5 ta muhim tashabbusning ikkinchisi bo'lgan yoshlarni jismonan chiniqtirish, ularni sport sohasida qobiliyatlarini namoyon qilishlari uchun zarur sharoitlar yaratishga yo'naltirilgan tashabbus ijrosini taminlash, yoshlarni tatil kunlarini mazmunli tashkil etish maqsadida mamlakatimizning barcha hududlarida sport musobaqalari tashkil etilmoqda.

Jizzax shahar bolalar-o'smirlar sport maktabida bo'lib o'tgan sportning boks bo'yicha voyaga etmaganlar o'rtasida «Biz yoshlar giyohvandlikga karshimiz» shiori ostida hamda “Xalkaro boks kuni” munosabati bilan Jizzax shahar BO'SM birinchiligi musobaqasida 70 nafarga yaqin havaskor sportchilar ishtirok etdi.

Ushbu musobaqa yakuniy natijalariga ko'ra 1-o'rinni Umid Narzullaev, 2-o'rinni Asil Mullajonov, 3-o'rinni SHerali Alimov va Baxtiyor Islomovlar egalladi.

Sportning Armrestling turidan 2002-2005 yillarda tug'ilgan o'smirlar va qizlar o'rtasida Baxmal tuman birinchiligi musobaqasida 50 nafarga yaqin sportchilar bellashishdi.

Musobaqada umumjamoa hisobida

I – o'rinni BO'SM-1 jamoasi;

II – o'rinni 3 – umumtalim maktabi jamoasi;

III – o'rinni 2 – umumtalim maktabi jamoasi egalladilar.

Mirzacho'l tumanida bo'lib o'tgan stol tennisi, shaxmat-shashka hamda kurash musobaqalarida 150 nafarga yaqin o'quvchi yoshlar ishtirok etishdi.

Musobaqalar ko'tarinki kayfiyatda qizg'in bahslarga boy o'tdi. G'oliblarga tashkilotchilar tomonidan diplom, medal hamda esdalik sovg'alari topshirildi.