Jizzaxda belbog'li kurash bo'yicha Osiyo chempionati boshlandi FOTOGALEREYA

O'zbekiston Respublikasi yoshlar siyosati va sport vazirligi, Jizzax viloyat xokimligi, Jizzax viloyati prokraturasi, Osiyo belbog'li kurash  konfedraciyasi, O'zbekiston belbog'li kurash federaciyasi va qator tashkilotlar hamkorligida yuqori saviyada o'tkazilayotgan ushbu Osiyo  chempionatida O'zbekiston, Yaponiya, Eron, Hindiston, Indoneziya, Qozog'iston, Qirg'iziston, Turkmaniston kabi 12 ta davlatdan kelgan polvonlar kuch sinashmoqda.

CHempionat doirasida Jizzax shahridagi "O'zbekiston" mehmonasining anjumanlar zalida matbuot anjumani tashkil etildi. 

Unda Osiyo belbog'li kurash konfedraciyasi prezidenti Mo'minxo'ja Muratov (O'zbekiston), O'zbekiston belbog'li kurash federaciyasi raisi Ravshan Dastirov, Alysh xalqaro federaciyasi prezidenti Adilet Bayaman ulu (Qirg'iziston), Qazaq kuresi associaciyasi bosh direktori Estek Erlan Jumabekuli (Qozog'iston), Jizzax viloyati yoshlar siyosati va sport bosh boshqarmasi boshlig'i Jaloliddin O'ktamov hamda ommaviy axborot vositalari xodimlari ishtirok etishdi. 

Matbuot anjumanida Osiyoda belbog'li  kurashni, xususan, belbog'li kurash sport turlarini keng rivojlantirish, o'zaro hamkorlik aloqalari xususida takidlandi. Matbuot anjumani yakunlangach, kunning ikkinchi yarmida reglamentga muvofiq, qirg'iz alysh kurashining klassik yo'nalishi bo'yicha bellashuvlar boshlandi. 

Kecha klassik yo'nalishda erkaklar o'rtasida 60, 70, 80, 90, 100, +100 kg. vazn toifasida, ayollar o'rtasida esa 55, 60, 65, 70, 75, +75 kg.vaznda toifalarida 200 nafarga yaqin sportchilar o'rtasida g'oliblar aniqlandi.

Bugun qirg'iz alysh kurashaning erkin yo'nalishida bellashuvlar o'tkazilyotgan bo'lsa, ertaga belbog'li kurash bo'yicha polvonlar Osiyo chempionligi uchun  bellashishadi. 25 may  kuni esa qazaq kuresi bo'yicha Osiyo chempionati bo'lib o'tadi. 

SHuningdek, kechagi alysh kurash bo'yicha Osiyo chempionatining tantanali ochilish marosimi ham tashkil etildi.

Ilhom RAHMONOV tayyorladi