Jokovich hal qiluvchi tay-brekda final yo'llanmasini hal qildi

Serbiyalik tennischi 2 soatu 20 daqiqa davom etgan yarim final uchrashuvida reytingda o'zidan 2 pog'ona yuqorida borayotgan greciyalik Stefanos Cicipasni 6/2, 3/6, 7/6(4) hisobida mag'lubiyatga uchratdi. 

Tennischilarning o'zaro uchrashuvlaridagi hisob Jokovich foydasiga, 9:2 ko'rinishiga keldi. Novak 11, Cicipas esa 9 ta eys zarbani amalga oshirgan. Breyklar soni har ikki tennischida ham 2 tani tashkil qilgan.