Jon MakKarti Jin Silvaning "sakrashi"ga ekspert bahosini berdi

Yodingizda bo'lsa, braziliyalik yarim engil vazn vakili Jin Silva raqibining ustiga chiqib, undan sakrash uchun tramplin sifatida foydalangan edi. MakKarti ushbu g'alati epizodga izoh berdi.

"Ehtimol, bu ahmoqona savoldir, lekin Jin Silvaning UFC 324 turniridagi Arnold Allenga qarshi g'alati ishi uchun undan ochko olib tashlash yoki hech bo'lmaganda ogohlantirish berish kerak emasmidi? U uning umurtqa pog'onasini sindirib yuborishi va majruh qilib qo'yishi mumkin edi. Bu noqonuniy usulga o'xshaydi", - deb yozdi ijtimoiy tarmoqda muxislardan biri taniqli referiga murojaat qilib.

"Kechirasan, yigitcha, lekin bu vaziyatda, u Allenni itarib yuborganida, men qoidabuzarlik deb hisoblash mumkin bo'lgan hech narsani ko'rmayapman. Sportga xos bo'lmagan xatti-harakatlar bundan mustasno, lekin o'sha sharoitda bu unga yaqin edi, deb o'ylamayman. Ha, g'alati ko'rindi, lekin men bunda hech qanday qonunga xilof narsani ko'rmadim", - deb javob berdi Jon.

Raqamli musobaqaning asosiy kardini ochib bergan yarim engil vazn toifasi vakillari jangi to'liq uch raund davom etgan va unda braziliyalikning ochkolar (30-27, 30-27, 29-28) hisobidagi g'alabasi bilan yakunlangan edi.