Joshua - Parker jangi Kardiff shahrida o'tkaziladi

Ikki chempion o'rtasidagi birlashtiruvchi chempionlik jangi 31 mart kuni Uels poytaxti Kardiff shahrida bo'lib o'tadi, deb xabar berdi Britaniyaning The Sun nashri.

Ushbu uzoq kutilayotgan jangga Principality Stadium arenasi mezbonlik qiladi. Aynan shu stadionda britaniyalik chempion o'zining so'nggi jangini o'tkazgan va Karlos Takamni mag'lubiyatga uchratgandi.

Eslatib o'tamiz, Entoni Joshua hozirda IBF, IBO va WBA chempionlik kamarlari sohibi bo'lib turibdi. Jozef Parker esa WBO yo'nalishi chempioni hisoblanadi.