24 jan 09:19
Yangiliklar

Boks/MMA

Joshua - Parker jangiga yarim kunda 70 000 chipta sotildi

Professional boksning superog'ir vazn toifasida birlashtiruvchi chempionlik jangiga bo'lgan qiziqish kundan-kunga oshmoqda.

Bunga jang uchun chiqarilgan chiptalarning sotuvi yaqqol misol bo'la oladi. Kecha kunning ikkinchi yarmida erkin sotuvga chiqarilgan chiptalarning 70 000 donasi o'z egalariga etib bordi. Endi faqat qimmat chiptalar qoldi. Bu chiptalar sotuvi 29 yanvar kuni bo'lib o'tadi.

WBA (Super) va IBF yo'nalishlari chempioni britaniyalik 28 yoshli Entoni Joshua hamda WBO chempionlik kamari sohibi, 26 yoshli Yangi Zelandiya bokschisi Jozef Parker o'rtasidagi jang 31 mart kuni Uels poytaxti Kardiff shahridagi “Millenium” stadionida o'tkaziladi.