Joze Aldo ikki yillik tanaffusdan so'ng "qafas"ga qaytmoqda

Xabarlarga qaraganda, Joze 5 may kuni o'z vatani Braziliyaning Rio-de-Janeyro shahrida o'tkaziladigan UFC 301 turnirida jang qiladi. Aldo yarim engil vazn toifasida UFC chempioni bo'lgan. U UFC 301 turnirining Co main-event jangida amerikalik Jonatan Martinesga qarshi oktagonga ko'tariladi.

Eslatib o'tamiz, Aldo o'zining so'nggi jangini 2022 yilning avgustida UFC 278 turniri doirasida gruziyalik Merab Dvalishviliga qarshi o'tkazib, hakamlar qaroriga ko'ra mag'lubiyatga uchragan edi. Braziliyalik aralash yakkakurash ustasi o'sha mag'lubiyatdan keyin faoliyatini yakunlaganini elon qilgandi. Dvalishvilidan mag'lubiyatiga qadar u 3 ta g'alabali seriya bilan kelayotgandi. Aldo Rob Font, Pedro Munos va Marlon Verani taslim etgan edi.

Malumot uchun, Joze Aldoning bo'lajak raqibi Jonatan Martines UFC reytingida 14-o'rinni egallab turibdi. U ketma-ket oltita jangda g'alaba qozongan.