Joze Aldo Konorning "vyzov"iga "otvet" qildi

Aldo boks qoidalari asosida o'tkazilgan jangda Jeremi Stivensni mag'lub eta olmagan edi. SHundan so'ng ikki vaznda sobiq UFC chempioni Konor Makgregor aynan Aldoni ringga chorlagan edi. 

"Biz Aldo bilan ringda boks qoidalari asosida jang o'tkazishimiz kerak", - deya ijtimoiy tarmoqdagi sahifasida chorlov qoldirgandi Konor. 

Braziliyalik bu chaqiruvning javobini uzoq kuttirmadi. 

"Konorning uzun tili bor. U keragidan ortiq ko'p gapiradi. Konor, ovozingni o'chirda, belgilangan jangingga tayyorgarlik ko'r! Biz sen bilan UFC oktagonida jang o'tkazishimiz kerak edi. Lekin sen qochib ketding", - dedi Aldo.

"Mayli bolakay, o'zingga qara. Men shunchaki xushmuomala bo'lishga harakat qilgandim", - dedi Makgregor.

Eslatib o'tamiz, Joze Aldo va Jeremi Stivens o'rtasidagi jang Gamebred Boxing 4 turniri doirasida o'tkazilgandi. Olti raund to'liq davom etgan jangda hakamlar durang natija qayd etishgan edi.