Kamaru Usman qaytmoqda, nigeriyalik "dahshat" raqibni ham elon qildi

Nigeriyalik aralash yakkakurash ustasi avstraliyalik Jek Della Maddalenaga qarshi jang o'tkazish istagida ekanini ochiqladi. Ushbu jangning 2025 yil 8 fevral kuni Avstraliyaning Sidney shahrida tashkil etiladigan UFC 312 turniri doirasida o'tkazilishi kutilmoqda. 

"Uning men bilan jang qilmoqchi bo'layotganini eshitdim. Jek bir nechta intervyularida bu haqda gapirganini ham ko'rdim. Men buni olqishlayman. Agar uning o'rnini bo'lganimda men ham xuddi shunday yo'l tutardim. Diviziondagi eng katta jangga ega bo'lishi uchun ham u shunday qilyapti. Men orqali u yuqori darajaga ko'tarilmoqchi. Vaznimizdagi juda ko'p yigitlardan o'tdim. Sen ham ularning biri bo'lasan. Faqat birgina muammo bor - fevralga ikki oy vaqt qoldi. Tayyorgarlik ko'rishim uchun bu muddat etarmikan?", - deya MainEventTV kanaliga intervyu bergan Usman.

Malumot uchun, Kamaru Usman so'nggi jangini 2023 yilning oktyabr oyida Xamzat CHimaevga qarshi o'rta vazn toifasida o'tkazib, ochkolar hisobiga ko'ra imkoniyatni boy berib qo'ygandi. O'shanda u qisqa muddatda jangni qabul qilgan edi. 

Jek Della Maddalena esa UFC`da ettita g'alabali seriya bilan kelmoqda. SHu yilning mart oyida u Gilbert Bernsni uchinchi raundda nokautga uchatgandi. Ayni paytda Kamaru Usman yarimo'rta vazn toifasi reytingida uchinchi, Jek Della Maddalena esa to'rtinchi o'rinni band etgan.