CHunki bu gal Parij kortlarida O'zbekiston bayrog'i ostida ishtirok etayotgan asosiy figuralardan biri — Kamilla Rahimova. So'nggi oylarda sport fuqaroligini O'zbekistonga o'zgartirgan tennischi nafaqat mamlakat tennisi nufuzini oshirishi, balki o'zbek tennisining “Katta dubulg'a” musobaqalaridagi tarixini yangi bosqichga olib chiqishi mumkin.

Kamilla Rahimova hozirgi kunda WTA reytingida top-100 atrofida harakat qilayotgan tajribali tennischilardan biri sanaladi. Uning "Rolan Garros"dagi eng yaxshi natijasi — 2023 yilga to'g'ri keladi. O'shanda u uchinchi bosqichgacha etib borgan edi. SHu jihatdan qaraganda, Parij grunti unga mutlaqo begona deyish, to'g'ri bo'lmasa kerak.

2026 yilgi musobaqa oldidan Kamilla asosiy to'rga kiritilgan tennischilar ro'yxatidan joy oldi. Turnirning ilk bosqichida esa u rumin tennischisi Jaklin Kristianga qarshi bahs olib boradi. Bu o'yin o'zbekistonlik muxlislar uchun katta qiziqish uyg'otishi tabiiy.

Kamilla Rahimovaning imkoniyatlari qanday?

Grunt qoplamasidagi o'yin uslubi Kamilla uchun muayyan ustunlik beradi. U chiziqlarda barqaror harakat qila oladigan, qarshi hujumga tez o'tadigan tennischilar toifasiga kiradi. Ayniqsa, ikki qo'lli "bekxend" zarbalari va to'pni qabul qilishdagi faolligi raqiblarga qiyinchilik tug'diradi.

Biroq “Rolan Garros” — jismoniy va ruhiy jihatdan eng og'ir turnirlardan biri. Parij gruntida har bir ochko uchun kurashish talab qilinadi. Rahimovaning 2026 yilgi natijalari hozircha biroz beqaror kechmoqda. ITF statistikasiga ko'ra, uning joriy mavsumdagi gruntdagi g'alaba foizi yuqori emas. SHuning uchun musobaqadagi muvaffaqiyat ko'p jihatdan psixologik tayyorgarlik va startdagi o'yinlariga bog'liq bo'ladi.

SHu bilan birga, Kamillaning xalqaro tajribasi O'zbekiston tennisi uchun katta yutuq hisoblanadi. CHunki mamlakat ayollar tennisida so'nggi yillarda “Katta dubulg'a” turnirlarida muntazam yuqori bosqichlarga chiqadigan sportchilar etishmay kelayotgan edi.

O'zbekistonlik tennischilar va “Rolan Garros” tarixi

O'zbekiston tennisi tarixi “Rolan Garros” bilan bog'liq qiziqarli sahifalarga ega. Mamlakat mustaqillikka erishganidan keyin bir qator tennischilar Parij kortlarida munosib ishtirok etgan.

Eng yorqin nomlardan biri — Denis Istomin. Istomin “Katta dubulg'a” turnirlarida O'zbekistonning asosiy vakili bo'lib keldi va “Rolan Garros”da bir necha bor asosiy to'rda qatnashdi. Uning tajribasi o'zbek tennisi xalqaro maydonda raqobat qila olishini ko'rsatgan edi.

Ayollar tennisida esa so'nggi yillarda Oqgul Omonmurodova, Nigina Abduraimova kabi sportchilar Franciya ochiq chempionatida ishtirok etib, O'zbekiston bayrog'ini himoya qildi. Ayniqsa, Omonmurodovaning juftlik bahslaridagi ishtiroki bir vaqtlar mamlakat tennisining muhim brendiga aylangani barchaning yodida.

So'nggi yillarda esa o'zbek tennisida malum bir tanaffus yuzaga keldi. Yangi avlod tennischilari hali barqaror ravishda WTA va ATP turlarida yuqori o'rinlar uchun kurasha olmayotgan bir paytda, Kamilla Rahimovaning O'zbekiston sharafini himoya qilish qarorini ijobiy baholash joiz.

Yangi davr boshlanishimi?

Kamilla Rahimovaning O'zbekistonga o'tishiga shunchaki bir tennischining fuqarolik almashtirishi sifatida qaramaslik zarur. Bu mamlakat tennisining xalqaro imiji uchun ham muhim qadam bo'lishi mumkin.

CHunki hozirgi zamonaviy tennisda yuqori reytingli sportchilarning mavjudligi nafaqat sport natijalari, balki yosh avlod qiziqishi, homiylar etibori va infratuzilma rivojiga ham tasir ko'rsatadi. Agar Kamilla “Rolan Garros-2026”da muvaffaqiyatli ishtirok etsa, bu O'zbekiston tennisi tarixida yangi sahifa ochishi ehtimoldan holi emas.

Parijdagi turnir esa bu savolga javob beradi: Kamilla Rahimova o'zbek tennisining yangi etakchisiga aylana oladimi yoki yo'q?

Bu savolga dastlabki javobni bugun Kristian Jaklinga qarshi bahsdan so'ng bilib olamiz. O'yin 19:30 da boshlanishi belgilangan. Omad, Rahimova!