Kanelo yarimog'ir vazndagi eng kuchli jangchi kimligini aytdi

Ikkinchi o'rta vazn toifasida mutlaq jahon chempioni Saul "Kanelo" Alvares yana bir bor nima uchun navbatdagi raqib sifatida yarimog'ir vaznda WBA chempioni Dmitriy Bivolni tanlagani haqida gapirdi. 

Yaqinda Alvares Eddi Xirn va DAZN bilan may, sentyabr oylarida ikkita: Bivol va Gennadiy Golovkin bilan jang tashkillashtirish bo'yicha kelishuvga erishilganini aytgandi. 

"Bivolni tanladim, sababi u yaxshi jang qiladi. Fikrimcha, u yarimog'ir vazndagi eng zo'ri va va u ringda menga yaxshi qarshilik ko'rsata oladi. Men o'z faoliyatimni tarixga muxrlamoqchiman, u bilan jang — buning uchun yaxshi imkoniyat.

U haqiqaqatda yaxshi jangchi. Men uning janglarini ko'p marta tomosha qilganman. U haqiqatdan ham kuchli. U ringda nima qilish kerakligini biladi. Uni havaskorlar boksida anchagina tajribasi bor. Men uning nimalarga qodirligini bilaman, lekin bu muhimi emas. Men faoliyatimning cho'qqisidaman va ko'p narsaga qodirman", - deya jurnalistning savoliga javob bergan edi Alvares.

SHuningdek, Alvaresdan bu yil u bilan jang qilmoqchi bo'lgan bokschilar bo'yicha malumot berishni so'rashdi, garchi ism-shariflar aytilmagan bo'lsa-da, Alvaresga Premier Boxing Champions tomonidan Jermall CHarlo va Devid Benavides bilan jang o'tkazish taklif qilingan.

"Bandman, juda bandman, shuning uchun kechirasiz. Aytganimdek, ular pul uchun jang qiladi, buni bilaman, lekin tushunmayman, nima uchun ular bir-biri bilan jang qilmaydi? Ular bir-biri bilan jang qilishi kerak, men esa g'olib bilan jang qilaman. Menga g'olib kim bo'lishining farqi yo'q", - deya qo'shimcha qilgan meksikalik bokschi.