Karantin bo'lsada masofa orqali mashg'ulotlar avjida

Xususan, boshqarma tasarrufidagi Qarshi shahar olimpiya va milliy sport turlari bo'yicha davlat ixtisoslashtirilgan maktab-internati tarbiyalanuvchilari ham uy sharoitida masofa orqali ustozlari ko'rsatmalariga amal qilib, mashg'ulotlarga zo'r berishgan. 

 Mazkur maktab-internatida 230 nafar o'g'il bolalar bo'lib, ularga 9 nafar trenerlar ustozlik qilishadi. Mashg'ulotlarda toblanib, mahoratlari oshib borayotgan maktab-internati tarbiyalanuvchilarining qo'lga kiritayotgan natijalari ham tahsinga loyiq. 

Birgina o'tgan 2019 yilgi musobaqalarda, xalqaro turnirlarda ko'plab medallar qo'lga kiritilgani bor gap. Maktab-internati direktori Yahyo Turdimurodovning takidlashicha, joriy yilda ham shoda-shoda medallarni qo'lga kiritish niyat qilingan. 

SHuningdek, iqtidorli bolalarni sportga jalb etib, katta sport sari etaklash bosh maqsadlardan sanaladi. Ayni karantin payti, sportchi-o'quvchilar uyda. Biroq mashg'ulotlar rejaga ko'ra masofa orqali shiddat bilan davom etmoqda. Ushbu yilda ham milliy va xalqaro musobaqalardan medallar bilan qaytishni ko'zlayotgani ularning uyda mashg'ulot paytidagi suratlarida ham aks etgan.

Ilhom RAHMONOV tayyorladi