Karen Xachanov Vena turniri 1/2 finaliga chiqdi

Dunyoning 24-raketkasi Karen Xachanov musobaqaning yarim final ishtirokchisiga aylandi. Rossiyalik tennischi 1/4 finalda reytingning 41-pog'onasida borayotgan italiyalik Matteo Berrettinini 6/1, 6/4 hisobida engdi. Karen tennischilarning o'zaro uchrashuvlarida ilk bor Berrettinini taslim etdi - 1:4. 

Roppa-rosa 80 daqiqa davom etgan bahsda Xachanov 5, Berrettini 6 ta eys zarbasini amalga oshirdi. Ikkala tennischi ham qo'shxatoga yo'l qo'ymadi. Breyklar bo'yicha mutlaq ustunlik tabiiyki, g'olib tennischi tomonida bo'ldi - 3 ga 0! Xachanov ketma-ket ettinchi g'alabasini qo'lga kiritdi. Bugun Karen 1/2 finalda avstraliyalik Aleks De Minaurga qarshi kortga chiqadi.