19 apr 14:51
Yangiliklar
Basketbol
Karrining 34 ochkosi Golden Steytga Denver ustidan g'alaba qozonishga yordam berdi
San-Fransiskodagi (AQSH) Chase Center arenada NBA pley-off seriyasi G'arbiy konferenciya 1/4 finalining ikkinchi o'yini bo'lib o'tdi.
Unda «Golden Steyt Uorriorz» «Denver Naggets»ni qabul qildi. Uchrashuv mezbonlarning 126:106 hisobidagi g'alabasi bilan yakunlandi.
«Golden Steyt» ning g'alabasiga eng katta hissani 34 ochko to'plagan, shuningdek, 3 ta riband va 4 ta samarali uzatmani amalga oshirgan Stefen Karri qo'shdi. Serbiyalik basketbolchi Nikola Yokich 26 ochko, 11 ta riband va 4 ta samarali uzatma bilan «Denver» safida eng yaxshi o'yinchi bo'ldi.
Seriyaning uchinchi o'yini 22 aprel, juma tongida Denverdagi (AQSH) «Ball Arena»da bo'lib o'tadi. Uchrashuv Toshkent vaqti bilan soat 7:00 da boshlanadi.
Eslatib o'tamiz, muntazam mavsumda «Golden Steyt» G'arbiy konferenciyada uchinchi, «Denver» esa oltinchi o'rinni egallagan edi.
Havola :
Manba : championat.com
Fikrlar