Kasallik Jon Jonsning UFC`ga qaytishiga to'sqinlik qiladimi?

Ikki vazn toifasida sobiq UFC chempioni o'z muammolarini ommaga oshkor qilmoqchi emas edi, chunki u hali ham oktagonga qaytishni rejalashtirmoqda. Bu haqda Jons TMZ nashri tomonidan elon qilingan tegishli bayonotda aytdi.

"Aftidan, Xyustondagi DBX 5 turniri payti sahna ortida bo'lib o'tgan shaxsiy suhbatim ommaga oshkor bo'ldi. SHunday bo'lib turadi. Aksariyat jangchilar singari biz ham ko'pincha jarohatlarni jimgina engib o'tamiz va mening holatimda bu yillar davomida sodir bo'ladi. Ko'pchiligimiz har kuni oqsoqlanib yuramiz, o'z faoliyatimiz uchun sog'lig'imiz bilan hisob-kitob qilamiz.

Agar bu haqiqatmi deb o'ylayotgan bo'lsangiz, ha, haqiqat. Barcha jangovar jarohatlarim uchun minnatdorman va agar hammasini takrorlash mumkin bo'lsa, o'ylab o'tirmasdan yana takrorlagan bo'lardim. Bu mening butun faoliyatim davomida har kuni ertalab uyg'onishimga sabab bo'ladi.

Sport tarixidagi eng unvonli jangchilardan biriga aylanganimdan keyin ham tanqidchilarim so'nggi yillarda suratni pasaytirganim uchun tana qilishda davom etmoqda. Ammo bu boshqa kuni jang qilish uchun yashash deb ataladi - tegishli saboqlar olish va ularni biznesda qo'llash, oktagonda emas. Bu evolyuciya deb ataladi.

UFC’da mening artritim ko'lami haqida bilishadi. Va ular yana bir narsani tushunishadi: agar men oxirgi marta hamma narsani tikishga va bunday og'riqqa chidashga qaror qilsam, mukofot alohida narsa bo'lishi kerak - shunchaki katta gonorardan ko'ra kattaroq narsa. Men uchun bunday mukofot Oq uydagi turnirda bo'lgan va shunday bo'lib qoladi.

Bu jang bo'ladimi yoki yo'q, faoliyatim allaqachon olamshumul va chinakam afsonaga aylanib ulgurdi. O'zimning katta qismimni sakkizburchakda qoldirdim va har bir lahza uchun minnatdorman. Adashmang - men hali ham sizlarning 99 foizingizni parchalab tashlayman. Hali ham zalda og'ir toshlarni ko'taryapman. Hali ham mashq qilyapman. Hali ham ko'pchilikdan ko'ra ko'proq ishlayapman, lekin endi faqat yaxshi chigalyozdi mashqlaridan so'ng. Xudo xayringizni bersin. Jon Jons!".

Afsonaviy jangchi o'zining artrit kasalligi haqida gapirib, nima uchun RAF ligasi rahbari CHad Bronshteyn tomonidan tashkil etilgan Daniel Kormega qarshi kurash bellashuvini o'tkazmoqchi emasligini tushuntirdi.