Katta leytenant Tasmuradov, leytenant Jalolov, Baturov, Ahmadaliev... Sportchilarimizga harbiy unvonlar topshirildi + FOTO

Kecha O'zbekiston Respublikasi Milliy gvardiyasi qo'mondonligi tomonidan jahon chempionatida munosib ishtirok etib, O'zbekiston terma jamoasining umumjamoa hisobida g'oliblikni qo'lga kiritishida o'zining beqiyos hissasini qo'shgan bokschilar O'zbekiston Respublikasi Milliy gvardiyasi harbiy xizmatchilari Bahodir Jalolov va Bobo-Usmon Baturovlar, shuningdek professional ringda faoliyat olib borayotgan Murodjon Axmadalievlarga navbatdagi harbiy unvon hamda esdalik sovg'alari topshirildi.

Bir necha kun avval jahon chempionatida Olimpiya o'yinlari licenziyasini qo'lga kiritgan yunon-rum kurashchimiz Elmurat Tasmuradovga esa katta leytenant unvoni berildi.

SHuningdek, bokschilarni tayyorlashda jonbozlik ko'rsatib kelayotgan murabbiy Milliy gvardiya Ixtisoslashtirilgan o'quv markazi katta o'qituvchisi Elshod Rasulov ham Milliy gvardiya qo'mondonining esdalik sovg'alari bilan taqdirlandi.

Suratlar - Milliy Gvardiya matbuot xizmati