Kechagi kun qahramonlari. Krpalek ikki karra Olimpiada chempioni + FOTO

Yakkalik bahslarining so'nggi kunida erkaklar +100 kg, ayollar esa +78 kg vazn toifalarida Olimpiada medallari uchun tatamiga chiqishdi. Ayollarda yaponiyalik Sone Akira, erkaklar o'rtasida esa chexiyalik Lukash Krpalek Olimpiada chempioni bo'ldi. 

Darvoqe, Krpalek qatorasiga ikkinchi Olimpiadasida chempionlik shohsupasiga ko'tarildi. U Rio-2016 Olimpiadasida -100 kg vazn toifasida ham oltin medalni qo'lga kiritgan edi. Afsonaviy Teddi Riner bu safar bronza medali bilan taqdirlandi. Ushbu vaznda ishtirok etgan va aynan Lukash Krpalekka yutqazib qo'ygan hamyurtimiz Bekmurod Oltiboev 7-o'rin bilan kifoyalandi.    

Yakkalikning so'nggi kun qahramonlari

Ayollar. +78 kg vazn toifasi

1. Sone Akira (Yaponiya)

2. Idalis Ortiz (Kuba)

3. Irina Kindzerska (Ozarbayjon)

3. Roman Dikko (Franciya)

Erkaklar. +100 kg vazn toifasi

1. Lukash Krpalek (CHexiya)

2. Guram Tushishvili (Gruziya)

3. Teddi Riner (Franciya)

3. Tamerlan Bashaev (Rossiya)