Kelgusi yil yozda Olimpiya o'yinlari o'tkazilishiga qaror qilindi

Mamlakatga to'rt kunlik tashrif bilan kelgan Bax va Suga o'yinlarga tayyorgarlikning borishini muhokama qildilar. Uchrashuvdan so'ng jurnalistlarga bergan intervyusida Bax, tomoshabinlar musobaqalarni kuzatish uchun sport inshootlariga kira olishlariga vada berib, agar o'sha kungacha vakcina topilsa, XOQ barcha sportchilar emlanishini taminlash bo'yicha harakatlarni kuchaytiradi, deya takidladi.

«Bugungi uchrashuvda kelgusi yil yozda Olimpiya va Paralimpiya o'yinlarini katta muvaffaqiyat bilan o'tkazish uchun qatiy va ishonchli qarorga keldik», dedi xalqaro tashkilot rahbari.

Ushbu tashrif mart oyida o'yinlarni bir yilga qoldirish to'g'risida qaror qabul qilingandan so'ng, Baxning Yaponiyaga birinchi safari hisoblanadi.

Boshqa mamlakatlar bilan taqqoslaganda, Yaponiyaga pandemiya nisbatan tasir ko'rsatmadi. Biroq so'nggi kunlarda mamlakatda har kuni rekord darajada kasallanishlar qayd etilyapti.

«Biz tomoshabinlar bo'ladi, degan taxmin asosida turli choralarni ko'ryapmiz. Prezident Bax bilan Olimpiya o'yinlari xavfsizligini taminlash uchun yaqindan hamkorlik qilishga kelishib oldik», dedi Suga jurnalistlarga.

Bax tashrif rejasiga o'yinlar mezbonligi uchun g'alabani qo'lga kiritganda, mamlakat etakchisi bo'lgan, ammo sog'lig'i sababli istefoga chiqqan sobiq bosh vazir Sindzo Abe bilan uchrashuv ham kiritilgan. Unga o'yinlarni tashkil etishga qo'shgan hissasi uchun mukofot topshirilishi kutilmoqda.

Kecha u Tokio-2020 tashkiliy qo'mitasi prezidenti Yosiro Mori va Tokio gubernatori Yuriko Koyke bilan ham uchrashdi. Bax va Mori keyinroq qo'shma matbuot anjumani o'tkazdilar.

Bax seshanba kuni Olimpiya qishlog'i va Milliy stadionga tashrif buyuradi. 2019 yil noyabr oyida qurib bitkazilgan ushbu stadion Tokio o'yinlari paytida engil atletika va futbol bahslariga mezbonlik qiladi, shuningdek, o'yinlarning ochilish va yopilish marosimlari ham shu erda o'tkaziladi.