Koronavirus tufayli og'ir atletika bo'yicha Osiyo chempionati Qozog'istondan O'zbekistonga ko'chirildi

Malumotda aytilishicha, musobaqani Qozog'iston hukumati Xitoy bilan chegaradosh mamlakatlardan bo'lgan yo'lovchilarning harakatiga cheklovlar kiritgani sababli boshqa joyda o'tkazishga qaror qilindi.

«Osiyo og'ir atletika federaciyasi ijroiya qo'mitasi hozirgi vaziyatni zudlik bilan muhokama qildi va Osiyo chempionatini O'zbekistonga ko'chirish to'g'risidagi qarorga keldi», - deyiladi bayonotda.

Turnir 16-25 aprel kunlari Toshkentda bo'lib o'tadi. 

Eslatib o'tamiz, Xitoyda yangi turdagi koronavirus bilan og'rigan bemorlar soni 72,4 ming kishidan oshdi. 1868 kishi epidemiya qurboniga aylangan. 

Kasallikka chalingan 72 436 kishidan 12 552 inson virusdan davolandi va kasalxonadan chiqarildi. 1868 kishi hayotdan ko'z yumdi. Bir sutka ichida mamlakatda yana 1886ta yangi kasallanish holati aniqlandi.