Kosonda Yangi O'zbekiston – yangicha dunyoqarash g'oyasi ostida targ'ibot tadbirlari boshlandi

Mazkur tadbirdan ko'zlangan asosiy maqsad, mamlakatimizda amalga oshirilayotgan islohotlarning mazmun-mohiyati va ahamiyatini keng jamoatchilikka etkazish, joylarda o'tkazilayotgan targ'ibot tadbirlarida aholining barcha qatlamlarini to'la qamrab olishdan iboratdir.

Bunday targ'ibot tadbirlarining dastlabkisi tumandagi «Nartibaland» MFY hududida, mazkur mahalla aholisi ishtirokida o'tkazildi. Tadbir doirasida tuman markaziy o'yingohida mahalla yoshlari ishtirokida futbol musobaqasi, shuningdek, Amir Temur xiyobonida sportning shaxmat va stol tennisi turlari bo'yicha 7 yoshdan 70 yoshgacha bo'lgan aholi ishtirokida musobaqalar tashkil etildi.

Bundan tashqari Musiqa va sanat maktabida tuman hayotidan hikoya qiluvchi videofilm namoyish etilgan bo'lsa, keyin yosh istedod egalari o'zlarining sahna chiqishlari bilan ko'pchilikka alo kayfiyat ulashdi. SHu bilan birga, rassomchilik bilan shug'ullanuvchi istedod egalarining chizgan namunalari tadbirni yanada bezadi.