17 noy 16:13
Yangiliklar

Boshqalar

Kriket Qashqadaryo va Samarqandda ham rivojlantiriladi

Teglar : Kriket

O'zbekiston Kriket federaciyasi tashabbusi hamda O'zbekiston Respublikasi sportni rivojlantirish vazirligi hamkorligida mamlakatimizda kriket sport turini keng rivojlantirish, ushbu sport turi bo'yicha mutaxassislarni tayyorlash bo'yicha amaliy ishlar boshlab yuborilgan.

Ikki bosqichli murabbiylarni (Level-1 Criket Coaching ) tayyorlash maqsadida hamkorlikdagi dastlabki o'quv-yig'in noyabr oyining birinchi o'n kunligida Buxoro va Surxondaryo viloyatlarida amalga oshirilgan bo'lsa, mazkur o'quv-yig'in 10-12 noyabr kunlari Qarshi shahrida davom ettirildi.

Qarshi olimpiya va paralimpiya sport turlariga tayyorlash markazida o'tkazilgan o'quv seminarda viloyatdagi sport maktablaridan bir guruh murabbiylar ishtirok etib, yakunda sertifekatlarga ega bo'lishdi.

Pokistonlik oliy toifali kriket mutaxassisi Tohir Muhammad hamda O'KF raisi Aziz Mixlievlar tomonidan shu yo'sindagi o'quv-seminari Samarqand shahrida ham jismoniy tarbiya va sport murabbiylari ishtirokida amalga oshirildi.

Birinchi bosqich murabbiylik kursi yakunida ishtirokchilarga maxsus sertifikatlar berildi. O'zbekiston Respublikasi sportni rivojlantirish vazirligi hamda O'zbekiston Kriket federaciyasining taqvim-rejasidagi navbatdagi o'quv-seminar 21-23 noyabr kunlari Farg'ona viloyatida tashkil etiladi.