24 okt 21:12
Yangiliklar
Og'ir atletika
Kumushxon Fayzullaevadan 3 ta oltin medal va jahon rekordlari
Koreya Xalq Demokratik Respublikasida og'ir atletika bo'yicha o'smirlar va yoshlar o'rtasida Osiyo chempionati davom etmoqda.
Bugun yoshlar o'rtasida -64 kilogramm vazn toifasida ishtirok etgan qizimiz Kumushxon Fayzullaeva 3 yo'nalishda oltin medallarni o'z hisobiga yozib qo'ydi.
17 yoshli vakilamiz dast ko'tarishda 97 kg, siltab ko'tarishda 125 kg, ikki kurash natijasida esa 222 kilogramm natija bilan qita chempionligini qo'lga kiritdi. Yana bir ahamiyatli jihati hamyurtimiz bu natija bilan o'smirlar o'rtasida dast ko'tarishda o'ziga tegishli jahon rekordini takrorlagan bo'lsa, siltab ko'tarish va ikki kurash bo'yicha yangi jahon rekordlarini o'rnatishga ham muvaffaq bo'ldi.
Takidlash joiz, bu natija sportchimizga Tokio Olimpiadasi yo'llanmasi uchun qimmatli reyting ochkolarini ham taqdim etadi.
Havola :
Manba : olympic.uz
Fikrlar