Kun tarixi: Bir yil avval shu kuni Umidjon Jalolov sport Oskari - “Oltin mangust” mukofotiga loyiq ko'rilgandi

Bugun ushbu tarixiy voqeylikka roppa-rosa bir yil bo'ldi. “Oltin mangust” sportdagi “Oskar” sovrini bo'lib, katta yutuqlarga erishayotgan dunyoning eng kuchli va sovrindor atletlariga topshiriladi. O'tgan yilgi g'oliblarga ushbu mukofotni topshirish marosimi Ukrainaning Odessa shahrida bo'lib o'tdi.

Marosimda ishtirok etgan yosh erkin kurashchimiz o'ziga atalgan sovrinni tantanali ravishda qabul qilib olgandi. “Oltin mangust” sovrini nafaqat sportchilar, balki sport rivojiga hissa qo'shib kelayotgan faxriylar, sportga sarmoya kiritayotgan homiylar va tadbirkorlar hamda siyosatchilarga ham topshiriladi.

Malumot uchun, Umidjon Jalolovgacha O'zbekiston sport kurashlari associaciyasi raisi o'rinbosari SHomurod SHofayziev, erkin kurash bo'yicha ikki karra Osiyo o'yinlari g'olibi Bekzod Abdurahmonov hamda boks bo'yicha Rio Olimpiadasi chempioni Hasanboy Do'smatovlar ham “Oltin mangust” sovrini bilan taqdirlanishgan edi.