Kunkabaev faoliyatini yakunlashi mumkinligiga ishora qildi

— Qamshibek, professional faoliyatingizda qanday o'zgarishlar bo'lmoqda? Yaqin vaqt ichida qanday yangiliklar kutishimiz mumkin?

— Professional faoliyatimga kelsak, o'zingizga malum, men ikki oyga Angliyaga tayyorgarlik ko'rish uchun borgandim. Hozircha takliflarni kutyapman. Aytishim mumkinki, boshqacha fikrlar ham paydo bo'lmoqda va Xudo xohlasa, to'plagan tajribam va yutuqlarim bilan yurtimga xizmat qilish istagi ham bor — shunday o'ylar ham yo'q emas.

— Professional boksdagi takliflarni kutyapsiz, shundaymi?

— Ha, xuddi shunday.

— Takliflar kelib qolishi ham mumkin.

— SHunga umid qilyapman. 

Konkabaevning asosiy yutuqlari — 2020 yilgi Tokio Olimpiya o'yinlarining bronza medali hamda superog'ir vazn toifasidagi jahon chempionatlarining ikki karra kumush medali (2017, 2019). Qita miqyosida Qamshibek Osiyo chempionatining to'rt karra kumush medali sovrindori (2017, 2019, 2021, 2022) maqomini qo'lga kiritgan va 2019 yilgi Butunjahon harbiy o'yinlarida oltin medalni qo'lga kiritgan. U 2020 yil 23 avgustda MTK Kazakhstan menejerlik kompaniyasi bilan shartnoma imzolab, professional boksga o'tgan edi. Olmaotada bo'lib o'tgan debyut jangida Qozog'iston terma jamoasining 28 yoshli sobiq sardori og'ir vazn toifasida ringga chiqib, vatandoshi Isa Akberbaev ustidan texnik nokaut evaziga muddatidan oldin g'alaba qozongan.