Kurash bo'yicha kattalar o'rtasidagi XV Osiyo chempionati manzili va sanasi malum

SHu yilning 11-15 iyun kunlari Tojikiston Respublikasi poytaxti Dushanbeda kurash bo'yicha kattalar o'rtasidagi XV Osiyo chempionati bo'lib o'tadi. Bellashuvlar "Dushanbe Tennis Palace and Water Sport Complex" majmuasida tashkil etiladi.

CHempionatda 17 yoshdan yuqori bo'lgan sportchilar ishtirok etishi mumkin. Har bir mamlakat har bir vazn toifasida bittadan sportchi bilan qatnashadi. Barcha ishtirokchilar o'z davlati fuqarosi bo'lishi shart. SHuningdek, IKA ruxsati asosida Qochqinlar jamoasining ishtirokiga ham yo'l qo'yiladi.

Ananaga muvofiq, chempionat doirasida IKA xalqaro hakamlar seminari, 1-2 yulduzli hakamlik imtihonlari, shuningdek, Osiyo Kurash konfederaciyasi Kongressi va boshqaruv qo'mitasi yig'ilishi o'tkazilishi rejalashtirilgan.

Malumot uchun, Dushanbe shahri 2022 yilda ham kurash bo'yicha kattalar o'rtasidagi Osiyo chempionatiga mezbonlik qilgan. Mazkur musobaqa yuqori tashkiliy saviyada o'tkazilgani uchun Xalqaro Kurash associaciyasi tomonidan “yilning eng yaxshi musobaqasi” sifatida etirof etilgan edi.