Kurash faxriylariga ehtirom ko'rsatildi

Bu haqda poytaxtimizdagi “Citi Palase” mehmonxonasida O'zbekiston kurash faxriylari kengashining birinchi tasis konferenciyasi va uning doirasida o'tgan “Uch avlod uchrashuvi”da mamlakat kurash federaciyasi raisining birinchi o'rinbosari, zamonaviy kurash qonun-qoidalari muallifi Komil Yusupov takidladi.

Haqiqatan shunday. Ota-bobolarimizdan meros kurashning sport turi sifatida qad rostlashida, ne-ne davrlar silsilasidan omon o'tib, bugungi kunlarga etib kelishida xalq o'rtasida katta obro'ga ega bo'lgan faxriy polvonlarning mehnatlari etiborga munosib.

Konferenciya davomida shu haqda so'z bordi. Nuroniylarning bilim va boy hayotiy tajribasidan yoshlar manaviyatini yuksaltirish, ularda vatanparvarlik ruhini mustahkamlashda samarali foydalanish bugungi kunning muhim omillaridan biri ekanligi etirof etildi.

Qoraqalpog'iston Respublikasi, Toshkent shahar va barcha viloyatlardan faxriy kurashchilar, otaxon polvon bobolar, mutasaddi tashkilot vakillari ishtirok etgan konferenciyada 13 kishidan iborat O'zbekiston kurash faxriylari kengashi tuzildi, uning azolari saylandi.

Qizg'in muloqot tarzda o'tgan suhbat davomida milliy sportimizning tirik afsonasi bo'lgan otaxonlar, faxriy polvonlar o'z davridagi kurashlar, polvonlar, xalq o'yini bo'lgan kurashning zamonaviy sport turi bo'lishi, qonun-qoidalari yaratilishi, xalqaro sport maqomiga ko'tarilishi haqida so'zlab berishdi. 

Kurashning jahon sportiga aylanishi, bu yo'lda amalga oshirilgan ishlarning tarixiy ahamiyat kasb etishini bildirib, davlatimizning xalqaro sport olamidagi etibori, yurtimizda ommaviy sportni rivojlantirish borasidagi ishlar ko'lamiga yuqori baho berishdi.

Tadbir yakunida O'zbekiston kurash federaciyasi tomonidan faxriy polvonlar maxsus sertifikat va guvohnomalar bilan taqdirlandi.