Kurash federaciyasining Toshkent viloyati bo'linmasiga yangi rahbar saylandi

Unda milliy sportimizning viloyatdagi rivoji, O'zbekiston Respublikasi Prezidentining 2017 yil 2 oktyabrdagi “Kurash” milliy sport turini yanada rivojlantirish chora-tadbirlari to'g'risida”gi qarorining ijrosi yuzasidan amalga oshirilgan ishlar tahlil qilindi. Mutasaddilar yakunlanib borayotgan sport mavsumi bo'yicha hisobot berishdi.

Toshkent viloyati o'zining nomdor polvonlari, yuqori sport salohiyati bilan boshqalardan ajralib turadi. Yig'ilishda ayni jihatga alohida etibor qaratilgan holda tobora dunyo sportiga aylanib, xalqaro maydonlarda yurtimizning faxri va g'ururi sifatida gavdalanayotgan Kurash bo'yicha musobaqalarda Toshkent viloyati sportchilarining ishtirokini taminlash, viloyatda kurash milliy sport turining ommaviyligini oshirish va yoshlarning ushbu sport turi bilan shug'ullanishlari uchun etarlicha sharoitlar yaratib berish ustuvor vazifalardan ekanligi takidlandi.

Konferenciyada tashkiliy masala ko'rib chiqildi. Unga ko'ra, Toshkent viloyati prokurori Salom Ismatovich Samadov O'zbekiston kurash federaciyasining Toshkent viloyat bo'linmasi raisi etib saylandi. SHuningdek, raisning sport masalalari bo'yicha birinchi o'rinbosari lavozimiga Toshkent viloyati IIBB YHXB boshlig'i Baxtiyor Kabilovich Nigmanov,  Moliya-iqtisod masalalari bo'yicha o'rinbosar lavozimiga “AgrotexinvestTrayd” MCHJ bosh menejeri Qahramon Usmonovich Usmonov va Tashkiliy va ijro masalalari bo'yicha o'rinbosar lavozimiga Toshkent viloyati prokurorining katta yordamchisi – Akbarov SHarifjon Ismanovichlar saylandilar.

Yig'ilishda zamonaviy kurash qoidalari muallifi, Kurash Xalqaro Associaciyasi asoschisi, O'zbekiston kurash federaciyasi raisining birinchi o'rinbosari Komil Yusupov ishtirok etdi. Konferenciya yakunida amalga oshirilishi lozim bo'lgan ishlar yuzasidan tegishli qarorlar qabul qilindi.

O'zbekiston kurash federaciyasi matbuot xizmati