Kurash “Osiyo bolalari” o'yinlari dasturiga kiritildi yoxud O'zbekiston 2028 yilgi bolalar o'yinlariga mezbonlik qilishi mumkin

Mamlakatimizda qadimiy qadriyatlarimiz, xususan mardlik, jasurlik, vatanparvarlik, gumanizm g'oyalarini o'zida mujassam etgan milliy sportimiz bo'lgan kurashni ommalashtirish, rivojlantirish va dunyoga tanitish hamda ushbu qadriyatimizni umumjahon durdonasiga aylantirish bo'yicha qator ishlar amalga oshirilmoqda.

SHu bilan birga, kurashning tobora ommalashib borayotganligi nufuzli xalqaro musobaqalarni tashkil qilishga, mavjud infratuzilma va moddiy-texnik bazani modernizaciya qilishga, sport inventarlari va kiyimlari taminotini yaxshilashga, bu borada ishlab chiqarishni kengaytirishga, shuningdek, soha uchun malakali kadrlar, trenerlar va hakamlar tayyorlashga bo'lgan etiborni yanada kuchaytirishni talab etmoqda.

“Osiyo bolalari” Xalqaro o'yinlari boshqaruvi yig'ilishida kurashni mazkur o'yinlarning sport dasturiga kiritish to'g'risida qaror qabul qilindi.

Malumot uchun aytib o'tmoqchimiz “Osiyo bolalari” xalqaro sport o'yinlari Xalqaro Olimpiya qo'mitasi shafeligi ostida 1996 yildan buyon to'rt yilda bir marta o'tkazib kelinadi. Pandemiya sababli bolalar o'yinlari 2020 yil Mo'g'ilistonda o'tkazilmadi va boshqa sanaga ko'chirilgan. 2019 yilda Rossiyaning Yujno-Saxalinsk shahri mezbonligida “Osiyo bolalari” birinchi xalqaro qishki sport o'yinlari ham o'tkazilgan edi. Ushbu musobaqada o'zbekistonlik yosh atletlar tog‘ chang‘isi, figurali uchish hamda snoubord sport turlari bo'yicha 8 nafar hamyurtimiz ishtirok etgan edi.

O'zbek sportchilari xalqaro musobaqalarda doimo yuqori natijalarni qayd etib kelishadi. O'z navbatida mamlakatimiz ham bir qator yirik xalqaro sport musobaqalariga ananaviy mezbonlik qilib kelmoqda. Kelajakda kompleks sport musobaqalarini ham qabul qilish bo'yicha izchil ishlar amalga oshirilmoqda. Jumladan, O'zbekiston 2028 yil bo'lib o'tadigan “Osiyo bolalari” o'yinlarini qabul qilishga davogar mamlakatlar ro'yxatiga kiritilgan.

Eslatib o'tamiz 2024 yilgi musobaqaga Rossiyaning Yakutsk shahri mezbonlik qiladi.

Jismoniy tarbiya va sport vazirligi Matbuot xizmati