Kurash – xalol yo'l bilan maqsadga erishish demakdir!

Mazkur anjumanda zamonaviy kurash asoschisi, O'zbekiston kurash federaciyasi raisining birinchi o'rinbosari K.Yusupov, Xalqaro Kurash instituti eksperti, Janubiy koreyalik Kim Eur Jon, O'zbekiston milliy olimpiya qo'mitasi kurash milliy sport turini rivojlantirish bo'limi boshlig'i K. Usmonov, O'zDJTSU rektori M. Boltaboev, hamda onlayn tarzda ushbu sohadagi Rossiya, Germaniya, Ukraina va isroillik mutaxassislar shuningdek, universitet professor o'qituvchilari va talabalar ishtirok etishdi.

Anjuman davomida  mutaxassislar tomonidan kurash sport turiga oid bir nechta taqdimotlar namoyish qilindi. Taqdimotda asosan kurash sport turining mamlakatimiz va jahonda rivojlanish istiqbollari, tarixi, buguni va mazkur sport turi bo'yicha malakali mutaxassis, trener va xalqaro toifadagi hakamlar tayyorlashning tashkiliy asoslari kabi masalalarga alohida to'xtalib o'tildi. SHu bilan birga, qilingan taqdimotlarda kurashchilarning psixofizalogik tayyorgarligi, o'quv-mashq jarayonini monitoring qilish, kurash bo'yicha musobaqalarni o'tkazishning xalqaro qoida va yangiliklari to'g'risida ham fikrlar bildirildi.

Ilhom RAHMONOV tayyorladi